Tusagassiornermi ileqqorissaarnerusariaqarput
Nunatsinni tusagassiornikkut pissuserinnissamik ileqqorinnissamillu ineriartortitsisoqarnissaa pillugu apeqquteqaat aallavigalugu, Per Rosing Petersen Siumumeersup oqallisissiaa, Inatsisartuni ullumi oqaluuserineqartussaagaluaq upernaamut kinguartinneqarpoq.
Per Rosing Petersen-ip kalaallit ikittuinnaagatta akaareqatigiinneq tunngavigalugu inooqatigiittariaqartugut, taamaammallu kusanartumik ileqqulersornissarput pisariaqartoq, oqallisissiamini tunngavilersuutigaa.
Siunnersuuteqartup ilisimanerarpaa, inuiaqatigiit akornanni inuttarsiuilluni toqqartaarisarnerit takornartaajunnaartut, tamannalu tassa Per Rosing Petersen-ip oqaluuserineqartariaqarsoraa.
Oqaluuserisassalli kinguartinneqarnissaanik Per Rosing-Petersenip nammineq kissaateqarnera tunngavigalugu inatsisartut siulittaasoqarfiat ullaaq aalajangerpoq oqaluuserisassaq upernaamut kinguartinneqassasoq.
