Tusagassiorfik The Verge naapertorlugu, sapaatip akunnerata tulliani Facebook annertujaamik allanngortiterinerminut atatillugu nutaamik taaguuteqalissamaarpoq. (Arkivfoto)Assi: Dado Ruvic/ReutersAssi: Dado Ruvic/Reuters

Tusagassiorfik: Sapaatip akunnerata tulliani Facebook nutaamik taaguusissamaarpoq

Nutarsaanerup kinguneranik Facebook-ip app-ia piginneqatigiiffiup nutaamik taaguutillip ataanut inississaaq.

Ingerlatsivik Facebook sapaatip akunnerata tulliani nutaamik taaguusernermigut qanoq ilisimaneqarnini nutarsarnialersaarpasipaa.

Teknologi pillugu tusagassiivik The Verge marlunngormat taamatut allappoq.

Tamatumunnga toqqaannartumik ilisimannittoq tusagassiorfiup taamatut tusarfigisimanerarpaa.

The Verge naapertorlugu Facebook-ip allaffissornikkut pisortaata aallarniisuatalu, Mark Zuckerberg-ip, oktobarip 28-anni ataatsimeersuarnermi, taaguutitaassaa oqaatigissamaarpaa. Tamannali siusinnerusukkut aamma pisinnaavoq, tusagassiorfik allappoq.

 Facebook marlunngormat nalunaarpoq, ”tusatsiakkat eqqarsaasersuutillu” oqaaseqarfiginiarnagit.

Amerikamiut naalakkersuisuisa Facebook-ip suleriaasaa eqqumaniarfigileruttoraat, nutaamik taaguutitaarnialersaarnermik nutaarsiassaq tutsiuppoq.

Republikanerit demokraatillu piffissami kingullermi Facebook persaraat, ilaatigut inatsisit unioqqutillugit kisermaassilluni ingerlatsisutut unnerluutigineqarmat.

Instagram-ip niviarsiaqqanut sunniuteqarnerlunneranik oqalunnerit aamma ingerlatsiviup soqutiginngitsuusaaginnarmagit, Kongressemi Facebook-ip puffaakkiartuinnarneqarneranut takussutissaapput.

Teknologimik ingerlatsiviit nutaanik niuerfissarsiuleraangamik aamma nutaamik taaguusertarnerat qaqutigoortuunngilaq.

Soorlu 2015-imi Google-p ingerlatseqatigiiffik Alphabet pilersippaa, ujarliut ussassaarusiorfillu ilisimaneqarluartut saniatigut allanik nioqquteqalerusunnerminnut atatillugu.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat