Assi: Jeremy Bronson/Flickr Creative Commons

Tusagassiorfiit: Ujakkaartartut nukkassaatitorsimasutut pasitsaanneqarput

Ukiukkut OL-lerluni unamminissat sioqqullugit ujakkaartartuusimasut medajlannassimasulluu nukkassaatinik atuisarsimanerannik pasitsaanneqarput. TV2 Sporten taama allaaserisaqarpoq

TV2 Sportenimit  issuarneqarput  tuluit aviisiat The Sunday Times aamma Tysklandimi tv-qarfik ARD.  

Tusagassiorfiit taakkua marluk sisorartartut 2000-it missaannik amerlatigisut aaversinneqarnerinit paasissutissanik pissarsisinnaasimapput.

Tusagassiorfiit allaaserisaat naapertorlugu OL-imi aamma nunarsuaq tamakkerlugu pissartanngorniunnerni medaljannattut pingaasuugaangata ataaseq nukkassaatinik atuisarsimaneranik  pasitsaassisoqarpoq.
Aaversilluni misissuinerit suliarineqarput 2001-miit  2010-mut.

Qulakkeerlugu oqaatigineqarsinnaanngilaq nukkasaatitortoqarsimanersoq kisiannili  pasitsaassisoqarluni.
Atorfimmut atatillugu kinaassutsiminnik isertuussilluni paasissutissanik ingerlatitseqqiisup  whistleblowerip aaversissimanermik paasissutissiivimmeersunit pissarsisimavoq taakkualu Sunday Timesimut ARD-imullu tunniullugit. 

Ukiukkut OL-erluni unamminerit tallimanngorpat aallartissapput.
Kalaallit Nunaat marlunnik peqataatitaqarpoq, tassalu ujakkaartartoq Martin Møller aamma Laila Friis-Salling sisorariaatsimik Free style halfpipernermik unammeqataasussaq.

AAMMA ATUARUK Laila Friis-Salling misigisassarsiorniarpoq

 

AAMMA ATUARUK Medaaliarpassuannannissatsinnik piumaffigineqanngilagut

 

AAMMA ATUARUK OL-mut peqataassagaanni pilliuteqartariaqarpoq

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat