USA-mi præsidentiusimasut præsidentiujunnaannginnerminni pinerluuteqarsimallutik pineqaatissinneqarsimasunik saammaassisinnaatitaanerminnik periarfissaminnik atuisarnerat ileqquuvoq.Assi: Mandel Ngan/AFP/Ritzau Scanpix

Tusagassiorfiit: Trumpip inunnik 100-nik saammaassinissani præsidentiujunnaannginnerminni isumaliutigigaa

Tusatsiakkat naapertorlugit Ilimagineqarpoq, Trumpip Steve Bannon, Edward Snowden Julian Assangelu saammaassassaata ilagigaat.

Donald Trump USA-mi præsidentitut sulinermini ullormi kingullermi marlunngornermi, pinerluuteqarsimallutik pineqaatissinneqarsimasut saammaanneqarnissaannik periarfissani atussagaa naatsorsuutigineqarpoq.

Tusagassiorfiup CNN-ip nalunaarutigaa, pineqaatissinneqasimasut 100-t missaat saammaanneqarnissaanik Trumpip isumaliutigigaa.

Saamaanneqartussallu allattorsimaffiat præsidentip illorsuani Det Hvide Husimi sapaammi ataatsimiittoqarnerani naammassineqarsimasut, Det Hvide Husimi tusarfiit paasissutissiissutigaat.

Tusagassiorfiit arlaqartut eqqoriarpaat, kinaassutsiminik isertuussillutik nalunaarutiginnittartut Edward Snowdon aamma Julian Assange saammaanneqarumaartut.

Saammaaneqarsinaasutut eqqaaneqartut ilagaat, Donald Trumpip siunnersortigisimasaa Steve Bannon.

AAMMA ATUARUK Trumpip sillimaniarnermut siunnersortigisimasani pillagassaajunnaarsikkaa

Steve Bannon allat pingasut peqatigalugit, USA-p Mexicomut killeqarfiani qarmarsualiortitsinissamut namminersortut aningaasaliinissaannik peqquserluttuliorsimasutut unnerluussaapput.

Inuit sisamat juulli sioqqullugu Trumpimit saammaanneqarnerat pillugu Trump isornartorsiorneqarpoq, saamaanneqartut tassaaalutik 2016-mi USA-mi præsidentimut qinersinermi Ruslandip akuliussimaneranik mississuinermi qitiusut.

USA-mi præsidentiusimasut præsidentiujunnaannginnerminni pinerluuteqarsimallutik pineqaatissinneqarsimasunik saammaassisinnaatitaanerminnik periarfissaminnik atuisarnerat ileqquuvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat