Tusagassiorfiit: Indiamiut sakkutuui qulit Kinamit iperagaapput
Kinamiut Indiamiullu sakkutuuisa ataasingornermi akersuunnerisa kingorna, Indiamiut sakkutuui qulit Kinamit tigusarineqartut iperagaapput. Nunat taakkua marluk sakkutuui Kinap Indiallu killeqarfianni qaqqani Himalayani akersuummata sakkutuut 20-it toqutaapput.
Nunat taakkua marluk akersuunnerisa kingorna najummatsisimaneq qaangerniarlugu Kina Indialu arlaleriarlutik ataatsimeeqatigiittarsimapput, akersuunnerit ukiuni 50-ini kingullerni aatsaat taama sakkortutigisimammata.
Nunat taakku sakkutuui anaatat, kikiaat, savimerngit amitsut ujaqqallu atorlugit imminnut saaassussimapput.
Aallaasinik igeriartoqarsimanngilaq. Sakkutuulli akunnerit arfnilillit ingerlaneranni imminnut saassussimapput.
India Kinalu Himalayap killeqarfiata eqqaani saassussisarnerit aallartittarnerannut imminnut pisuutittarsimapput.
Nunat taakkua akornanni isumaqatigiinnginnerit aallartipput 1962-mili sorsuutileramik.
Nunani taakkunani politikerit sakkutuullu oqaloqatigiittaraluartut qunusaarisoqartuaannartarsimavoq.
