Tusaamasat Islandimut tikerarput

Filminik ilitsersuisartup tusaamasap Oscarinnattarnikup Ridley Scottip filimiliaa nutaaq Islandimi immiunneqarluni aallartippoq.
Allattoq Gedion Storch
juulip 11-at 2011 14:28

Ridley Scottip filimiliaa tulleq, Promethius, isiginnaartitsisartunit Hollywoodimeersunik arlaqartunik inuttaqarpoq, immiussinernilu Islandimiut 160-it peqataapput, Islandimiut aviisiat Frettabladid allappoq.

Filmili tamakkerluni Islandimi immiunneqassanngilaq. Ridley Scottip oqarnera naapertorlugu filmimi minutsit 15-it kisimik immiunneqartussaapput - nunarsuup pinngoqqaarnera immiussami takutinniarneqartussaalluni.

Islandimmi nunataa taama ittumut assiliartaliutissallu pissusissamisoortuusoq, Scott isumaqarpoq.

Filmiliat tusaamasat arlallit, soorlu Alien, Thelma & Louise, Blade Runner, G.I. Jane, Gladiator aamma Black Hawk Down Ridley Scottimit ilitsersorneqarput.