Tupap pujua Europami inuppassuit inuunerannik naleqartarpoq

marsip 22-at 2006 08:24

Nunani EU-mut ilaasortaasuni 25-ni innuttaasut pujortartanngitsut ukiumut 79.000-it tupap pujuanik toqquteqartarput, taama EU-p uummalluttut peqatigiiffiannik suleqateqarluni tupatorneq pillugu nalunaarusiaa nutaaq saqqummiussaqarpoq.

Tupatornerup peqqissutsimut kingunipilui pissutigalugit Europami nunat arlallit tupamut sukannersunik inatsiseqalernikuupput.

Nalunaarusiap takutippaa soorlu Irlandimi tupamut inatsit 2004-mi atulersoq, pisortat suliffeqarfiutaanni pigisaannilu pujortaqqusiunnaarnermik imalik innuttaasut 94 procentiinit iluarisimaarneqartoq.

Danskit tupamut inatsisilionissamut kinguuteqqasut, tamannalu assut eqqumiitsoq, Danmarkimi uummalluttut peqatigiiffiata siulittaasua Susanne Volqvartz uparuaatqarpoq.