Tupaliorfik atsaavissuaq naalagaaffimmit eqqartuussissusilersuunneqarpoq
Saudi Arabiami peqqinnissamut qullersat qatsulluinnarsimavaat innuttamik puammikkut ajoquteqalerlutik napparsimmavimmiitinneqartarneri. Maannalu tupanik tuniniaasartut aallartitaat taarsiitinniarlugit Saudi Arabiap illoqarfiisa pingaarnersaanni Riyadimi eqqartuussissusilersuussipput. Piumasarineqarpoq napparsimalersimasut 16 milliard koruuninik taarsiivigitinnissaat, kingornalu ataavartumik ukiut tamaasa 1 milliard kruuninik akiliisinneqartassasut.
Ilisimaneqarpoq inuit ataasiakkaat tupaliorfiit eqqartuussissusilersuunnerini ajugaasarneri. Aatsaavissuarli naalagaaffik ataaseq taamaasiorpoq.
Nunarsuaq tamakkerlugu naatsorsuinermi paasineqarpoq Saudi Arabiamiut tupatornerpaajusut.
Saudi Arabiami naalakkersuisut ukiut arlerlugit pujortarunnaarsitsiniarlutik paasisitsiniaasarsimanerigaluatik iluatsittarsimanngilaat.
Naggataagut allatut sapileramik Saudi Arabiami naalakkersuisut nutaamik tupatorunnaarsitsiniarnermut inatsisiliuinnarsimaaqaat.
