Tunup kujataani nannunut takornariartitsisinnaaneq kommunimit akuerineqartoq

Tunup kujataani qeqertami Qullermi nannunik takornariartitsisoqartalernissaanut qinnuteqaat Kommune Kujalliup akuersissutigaa. Qinuteqaat manna namminersorlutik oqarlutussanut ingerlateqqinneqarpoq.
- Atuutilissappat immaqa nunarsuup sinneranit aamma Kalaallit Nunaata kujataa maluginiarneqalerlunilu orninneqalernissaa kajuminnarnerulerluni. Pinngitsooranilu kujataanut assigiinngitsutigut iluaqutaallunilu ajunngitsumik sunniuteqarnissaa ilimagivara, kommune kujallermi, teknikeqarnermut avatangiisinnullu tunngasuni ataatsimiititaliami ilaasortaq, Monoca Doph oqarpoq. Assi © : Nukaaraq Knudsen/KNR
februaarip 21-at 2020 13:37

- Una qinnutigineqartoq kommuniminngaanniit akuerivarput tapersersorlugulu. Aamma iluatigeqaarput, inuit namminneerlutik, namminersortutut assigiinngitsunut ingerlatsinissaannut tapersersorpagut. Una aamma alutornaqutigigamiuk nannunik takornariartitsisoqarsinnaaneq.

kommune kujallermi, teknikeqarnermut avatangiisinnullu tunngasuni ataatsimiititaliami ilaasortaq, Monoca Dorph taama oqarpoq.

AAMMA ATUARUK Kommune Kujalleq inissianik sanaartortoqarnissaanut aningaasaliissuteqarnerulissaaq

Takornariaqartitsiviup namminersortup South Greenland Adventurep nammineerluni tunup kujataani qeqertami Qullermi nunaminertamik takornariaqartitsivissamik qinnuteqarnera kommunalbestyrelsip pingasunngornermi akuersissutigaa.

Takornariaqarnerulernissaa isumalluarfigineqartoq

Takornariartitsisoqartalissappallu Monica Dorph isumalluarpoq.

- Atuutilissappat immaqa nunarsuup sinneranit aamma Kalaallit Nunaata kujataa maluginiarneqalerlunilu orninneqalernissaa kajuminnarnerulerluni. Pinngitsooranilu kujataanut assigiinngitsutigut iluaqutaallunilu ajunngitsumik sunniuteqarnissaa ilimagivara.

AAMMA ATUARUK Kommune Kujalleq: Borgmesterip kajumissutsiminnik suliallit nersorpai

Kommune Kujalliup allaffeqarfia aamma isumalluarpoq. ataatsimiissutissaq tunngavilersoramikku ima allapput:

- Suliniut una nunarsuaq tamaat isigalugu Kommune Kujalliup nittarsaanneqarneranut annertuumik sunniuteqartussaavoq.

- Taamaalisukkut sammisassat taakku kommunimi ataatsimut isigalugu akimarpasissumik takornariaqarnermik inerisaanermut tunngavileeqataasussaapput. Aqutsisoqarfiup naliliinera naapertorlugu qinnuteqaatip taassuma akuerineqarneratigut ataatsimut isigalugu Kommune Kujallermut isumalluutaassaaq annertoorujussuaq.

Ataatsimiinnermi oqallisigineqartut uani atuarneqarsinnaapput.