Nanut immikkut ittut kangerlunni Tasiilap aamma Prins Christian Sundip akornanniinnerupput.Assi: Maali Filemonsen

Tunup kujasissortaani nannut immikkuullarissut

Nannut Tunup kujasissortaaaniittut atoruminaaqisunut naleqqussarsimapput. Tassami ukiup qaammataani amerlanngitsuinnarni sikukkut piniarsinnaapput, taamaammat immikkut ittumik iliuuseqarlutik piniartalersimapput.

Nannut Tasiilap kujataani uumasut immikkoorluinartuusut, nunani tamalaaneersut ilisimatuussutsikkut misissuinerisa takutippaat.

Pinngortitaleriffik tusagassiutinut taama allappoq.

Nannut Tunup kujasissortaaaniittut atoruminaaqisunut naleqqussarsimapput. Tassami ukiup qaammataani amerlanngitsuinnarni sikukkut piniarsinnaapput, taamaammat immikkut ittumik iliuuseqarlutik piniartalersimapput.

Tunumi nanoqartoq ilisimaneqartuarpoq. Nannut tunumiittut sineriammit tamaneersuusut ilimagineqartuaraluarpoq, atuakkalli ilinniartitsissutit maanna allanngortinneqassapput.

Nanoqatigiinnimmi tunup kujataa-kangisissuani uumasut immikkut illuinnartut paasineqarpoq. Nanoqatigiit taakku nanunit allanit tunip sineriaaniittunit allaanerupput, taakkumi sikumi ilaatigut uumalluarsinnaapput.

Nannummi ukiumut qaammatialuinnarni sikukkut piniarsinnaapput, taamaammat iluliarsuit sermersuarmiillu tunup kujataani kangerlunnut sikumerngit nakkaasut atorlugit piniartarput.

Nanut immikkut ittut kangerlunni Tasiilap aamma Prins Christian Sundip akornanniinnerupput. Taakku kangerlunni itisuuni angalasarput. Tamanna qaqutigoortuuvoq, nanumimmi allat ullormut kilometererpassuit atorlugit imartaata sikuatigoorlutik nerisassarsiorajupput. Nanoqatigiiaalli uku ullormut 10 kilometerit missaannaat ingerlasarpaat.

Nannulli tunup imartaata sarfarneranit pisarineqartoorsinnaapput kujammullu 200 kilometerit sinnerlugit ingerlanneqarsinnaallutik. Taamali pisoqaraangat nannut ”pissiinnapajoriarlutik” avannamut nunakkoorlutik Sermersuakkoorlutillu kangerlummit aggerfimminut ingerlaaleqqittarput.

Nannut paasineqaqqammersut immikkullu ittut qanoq iliuuseqarfigineqarnissaat kalaallit ingerlatsinermut oqartussaasuisa maanna aalajangissavaat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl