Tunup kujasissortaani aasaru takornariartoqassaaq
januaarip 10-at 2005 10:45
Angalatitseqatigiiffik danmarkimiittoq Albatros travel aamma aviisi Politiken suleqatigiillutik aasaru nunatsinni danskinik takornariarusuttunik angalatitsilerput.
Angalatitsiniat kujataani Narsarsuarmiit aallarteriarlutik tunumi Tasilaap tungaanut umiarsuarmik angalatitsiniarput, takornariallu naggataatigut Islandiliassapput, Reykjavikkikkoorlutillu nunaminnut utissallutik.
Angalatitsiniat umiarsuarmik sikusiorsinnaasumik attartorsimapput, ilaanerlu aamma akikitsuinnaanngilaq, akisunersaammi 40.000 koruninik akeqassagami.
Angalanermi siku apeqqutaatinniarneqarpoq, takornariatullu angalaneq ullut aqqanillit ingerlanniarneqarpoq.
