Tunup Avannaarsuata killeqarfii apeqquserai
Tunup Avannaarsuanut piginnittuuneq Qalasersuup Avannarliup eqqaani uuliamik piginnittuunissamut pingaaruteqalersinnaavoq. Taamaattumik Tunup Avannaarsuanik piginnittuuneraanissaq Danmarkimut soqutiginaateqarsinnaavoq.
- Danskit qimussimik alapernaarsuisuutitaat Siriusikkut taamaallaat taakkuupput Tunup Avannaarsuanik inunnit najugarineqanngitsumut piginnittuuneraasut, Dansk Folkepartiip Kalaallit Nunaannut tunngasunut oqaaseqartartua Søren Espersen erseqqissaavoq.
- Tamaani inuit najugaqarsimanngisaannarput, tamannalu taamaalilluni kalaallit piginagu. Kalaallit Nunaata killeqarfiisa isumannaarneqarnissaat kissaatigaara, taanna Ritzau-imut oqarpoq.
Folketingip Kalaallit Nunaat pillugu ataatsimiititaliaa Dansk Folkepartip suliniuteqarneratigut sammineqartoq pillugu 28. maj tusarniaasitsissaaq. Konservativini Kalaallit Nunaannut tunngasunut oqaaseqartartoq Per Ørum Jørgensenip apeqqut aamma soqutiginaateqartippaa.
- Ajornartorsiummut tunngasut assorsuaq soqutiginaateqarput, taanna oqarpoq.
Namminersorneq pillugu ataatsimiititaliarsuaq kingusinnaaqaluni inuussutissarsiornermut aningaasaqarnermullu suleqatigiissitami pingaaruteqartumi pingasunngorpat ataatsimiissaaq.
