Tunup avannaani aatsitassamik piiaanialersut

Pilersaarut 4 milliardi koruuninik naleqarpoq, tassaallunilu saviminissamik piiaaviutigaluni, sisaliornermi aatsitassamik atorneqartartumik molybdænimik suliffissuaassaq.

Aningaasat 4 milliardit amerlaginarsinnaagaluarput, aatsitassarsiornermili ikiginartut, Berlingske Tidende allaaserinnippoq.

Nunarsuarmi saviminissaq akitsoraluttuinnarpoq, taamaammat amerikamiut europamiullu aatsitassarsiorfii tamaviaarlutik nunarsuaq tamaat saviminissamik ujaasiffigaat, aamma nunarput.

Aatsitassarsioqatigiiffiup Quadra Miningip januaarimi aalajangissavaa, Tunup Avannaani aatsitassarsiorfiliussanerlutik. Akuerineqassappat naatsorsuutigineqarsinnaavoq aatsitassarsiorneq 2012-imi upernaakkut aallartissasoq, tassami apeqqutaassammat Kalaallit Nunaanni Aatsitassat Ikummatissallu pillugit Siunnersuisoqatigiit saviminissamik piiaanissamik akuersissanersut.

Akuersissappata Illoqqortoormiut avannaani aqqusinniornerit umiarsualiviliornerillu aappaagu aallartissinnaassapput.

Canadamiut aatsitassarsioqatigiivisa ilimagisinnaavaat, aatsitassat molybdæni, aqerlussaq aamma zinki 40-50 milliardi koruuninik nalillit qallorsinnaassallugit. Nunaminertaq aatsitassarsiorfissatut piukkussaq taanna siornatigut uuliasiorfiunikuuvoq.

Quadra Miningip aatsitassarsiorneq aallartippat naatsorsuutigisinnaavaa ukiumut 2,5 milliardi koruunit kaaviaartissinnaassallugit.