Tunumut qititsitsiartulerput
Nunatsinni orkesterit tusaamasaanersaasa ilaat Pele Møller Band sapaatip akunnera una tunumi illoqarfinnut Katuap, Pisiffiup Kommuneqarfik Sermersuullu aaqqissugaanik tusarnaartitsiartussapput.
Pele Møllerip nipilersortartuunini aallartippaa Qullissani 1950-60'ikkunni.
Taamanikkut Vaigat'ikkut nipilersoriaasiat Hawaiimiut guitarianik ilisarnaatilik Amerikamiullu nipilersugaannik tusaamasanik kalaallisut erinalikkanik taallartalik saqqummerpoq.
1991'miilli Pele Møller Band Amerikamiut nipilersoriaasiannik swingjazz evergreensinik erinartalersukkanik, kalaallisut tuluttullu erinarsukkanik nuannarineqaqisunik assigiinngitsunik erinarsortulerluni saqqummersitsisalerpoq.
Tamatumuunalu nunatsinni arnat erinaginnerpaat ilaat Lone Josefsen erinarsortoralugu Pele Møller band sisamanngorpat Illoqqortoormiuni ataasinngorpallu tulliani Tasiilami makkortanik tammisitsissapput!
