Tunumit kitaanut unnuk kulturisiorfik
Unnuk kulturisiorfik Nuummi aallartinneqarsimasoq illoqarfinnut allanut aamma siuaruaassimavoq.
Assersuutigalugu Tasiilap peqqissaaviani naartunaveersaatit pitsaaliunerlu pillugit paasititsiniaasoqassaaq. Imaluunniit timersortarfimmi inuit pinnguaataat Inuit Games misiligarneqarsinnaapput, innakkut majuarneq, big jumpiluunniit aamma misilinneqarsinnaallutik
Kalaallit Nunaanni isertitsiviit pillugit paasiniaasoqarsinnaavoq, taakkumi illoqarfinni Qaqortumi Ilulissanilu matutik ammartussaavaat.
Nukissiorfiittaaq illoqarfinni arlalinni ammassapput, soorlu aamma INI A/S kaffillerniartoq.
Politiit angallataat ikiffigerusukkukku Qaqortumi SISAK III alakkarteriffigisinnaavat.
Nuummiikkaanni Inatsisartunukartoqarsinnaavoq oqaluttarfillu misilillugu. Ikumatitalisarluniluunniit naaminersornermut naalakkersuisoq Suka K. Frederiksen peqatigalugu ingerlaartoqarsinnaalluni. Ingerlaaqatigiinneq arfineq marlup qeqqanut aallartissaaq Kalaallit Nunaatalu namminersulernissaanut alloriarnernut siullernut peqataalluni.
Ersinatulerittujugaanniluunniit Nuummi napparsimmavitoqaq alakkarneqarsinnaavoq. Tassani ukiut ingerlanerini toqusut amerlasimapput unnummilu kulturisiorfimmi kaluittoqartarpoq. Ersituallaaraanni takanunngarnissaq mianersoqqussutigineqarpoq.
Unnummi kulturisiorfimmi pisussat nittartakkamut kulturnat.gl-imi takuneqarsinnaapput.