Tunumiorpaluutit pigiinnarnissaat qulakkeerusunneqartoq
Naalagaaffiit Peqatigiit Ilinniarnermut, Ilisimatusarnermut Kulturimullu suleqatigiiffiata, UNESCO-p, kalaallit oqaasiisa sumiorpalussutsillu navianartorsiornerat misissuisitsinermini kingullermi takuneqarsinnaasoq saqqummiutereeraalu, Asii Chemnitz Narup nalunaarpoq.
Asii Chemnitz Narupilli maanna erseqqissaatigaa, tunumiut kulturiannik qulaajaanissaq Kommuneqarfik Sermersuumi kommunalbestyrelsip 2009-mi juunimili akuersissutigigaa.
- Tunumiutut oqaatsit Kommuneqarfik Sermersuumi sumiorpaluutaapput pingaarutillit. Politikerit tungaanniit tunumiut kulturiannik qulaajaasussanik suleqatigiinnik pilersitsisimavugut, tamatumani tunumiorpaluutinik ilaatigut samminnittoqassalluni. Oqaatsinik ilisimatusarluni suliaqarneq pitsaanngorsaaffiginiarlugu Ilisimatusarfimmik suleqateqalerpugut, borgmester oqarpoq.
Suleqatigiit tunumiut kulturiannik oqaasiinillu nalunaarsuinissamut, katersuilluni ingerlatseqqillunilu suliniutissatut marsip aallartinnerani aamma siunnersuuteqartoqassaaq.
