Tunumi uuliamik maqisoortoqarpoq

Station Nordimi orsussamik maqisoorneq tallimanngormat apriilip aallaqqaataani pivoq.
Taamani Pituffimmiit (Thule Air Base) timmisartoq orsiiartorluni tikippoq.

Orsiinermiit ullut marluk qaangiummata, apriilip pingajuani - nalinginnaasumik misissuinermi orsussap maqisimanera paasineqarpoq, kinguninngualu Namminersorlutik Oqartussat pisumik kalerrinneqarlutik.

Saliineq ingerlaannaq aallartinneqarpoq, ilaatigut aput orsussap seeriffigisimasaa katersorneqarluni. Sulisut upalungaarsimanermik suliaqartut ikimmata sulisutuat ulloq unnuarlu saliisut oqaatigineqarpoq.

Issittumi pissutsinik ilisimatooq Station Nordimut apriilip tallimaani tikippoq, qanoq mingutsitsisoqartigisimanersoq nammineq isiminik takussammagu.

Orsussamik maqisoorsimanerup qanoq kingunerluuteqarsimatiginera aggusti qaammataalerpat misissueqqissaarnikkut aatsaat nalunarunnaassasoq, Kangilinnguani sakkutooqarfik nittartakkaminni forsvaret.dk-mi allaaserinnippoq.

Radioavisimi unnugu annerusumik paasisaqarsinnaassaasi.