Politikki

Tunumi raajarniat ikippallaarput

Qaqutigoorpoq Tunumi raajartassat tamakkerlugit pisarineqartarneri. Tamannalu arlalinnik pissuteqarpoq, silap pissusaa, aammalu Tunumukarluni aalisariarnissap kajumigineqartanginnera. Siumumeersullu Anders Olsenip tamanna isornartoqartippaa, aalisarnermullu naalakkersuisumut inatsik 37§ atorlugu pingasunik apeqquteqarluni.

Allattoq Peter Troelsen, Amalie Geisler

juunip 20-at 2013 11:19

Anders Olsenip paaserusuppaa ukioq kingulleq qanoq annertugisumik raajartassat ilanngarneqarsimanersut, aammalu naalakkersuisup Tunumi raajanut pisassiissutit naammaginerai, pingajuattullu apeqqutigaa, Tunumi raajartassat inuiaqatigiinnut annertunerpaamik iluaqutissanngortinneqassappata Naalakkersuisut periuseq suna atorniarneraat.

Anders Olsen uparuaanerminut ilanguppaa, anguniarneqartariaqartoq pisassiissutit suugaluartulluunniit tamakkerlugit atorluarneqartalernissaat inuiaqatigiinnullu suliffissaqartitsinerulernermut saatillugit. Assersuutigalugumi nunatta kujataani suliffissaaleqineq annertuumik atuuppoq, ilaatigullu periarfissaakuttoorsinnaalluni tunumi raajartassat, nunatta kujataani tulaanneqarlutik innuttaasunut sulisitsinermik kinguneqarluarsinnaammata.

Tunumi raajarniat ikippallaarput

Aamma atuaruk