Tunumi raajaqassuseq appariaateqarpoq

Tunup imartaani raajaqassuseq pitsaavallaanngitsumik inissisimavoq, nunattali kitaata imartaani raajaqassuseq allannguuteqangaanngilaq. Taamaammat biologit tunumi raajaqassutsimut tunngatillugu siunnersuinerat naapertorlugu raajartassat 80 %-inik appartinneqartariaqarput, ukiumoortumik pisassiissutit 12.400 tonsinit 2.000 tonsinut appartillugit.
oktobarip 10-at 2013 05:26

Tunumili raajanik pisarineqartartunut naapertuutikannerpoq, raajartassiissutimmi ukiuni arlalinni  tamakkerlugit aalisarneqartarsinnaasimanngillat. Pisassiissutinik appaanissaaq sivisuumik pilersaarutigineqarsimasoq, Pinngortitaleriffiup nalunaarutigaa.

Kitaata imartaani pisassiissutinut tunngatillugu biologit siunnersuutigaat pisassiissutit 80.000 tonsinit amerlanerussanngitsut, raajaqassuseq 1990-ikkut aallartisimalernerinut sanilliullugu appasittuarsinnarmat. Tamatumunnga pissutaasut arlaqarput, ilaatigullu arnarluppassuaqarnera paasinarluni. Taamaalilluni raajarniarnermi arnarluppassuarnik pisaqartoqartarnera peqqutaalluni suffisussaagaluartunik raajarniarnerup siunissaanik qularnaarinnittussaagaluartunik annertuumik ilanngartuisoqarpoq.

2014-imut pisassiissutissatut kaammattuutigineqartut 80.000 tonsiupput, taamaattuaannarnissaalli qularnarpoq raajaqassutsip siunissami qaffakkiartoqqissinnaanissaa nalorninartortaqarpallaaqimmat.