Piniagassat assigiinngitsut piujuaannartinneqarnissaannik atuineq pillugit apeqqutit piniartummita qanoq isumaqarfigaa ?
Piniagassat akuersissutigineqartarnerannut periuseq nakkutigineqarnerallu qanoq isumaqarfineqarpat ?
Apeqqutinik tamakkuninnga apeqquteqartartussat tassaapput Aalisarnermut Piniarnermut Nunalerinermullu pisortaqarfimmiut, qaammatip uumap ingerlanerani tunumut angalanerminni piniartunut apeqqutigisassaat.
Tunumiinnerminni innutaasunik ataatsimiisitsisoqartassaaq nittarsaassinertalinnik, kommunalbestyrelse-t ataatsimeeqatigineqarlutik, inuussutissarsiutigalugu piniartunik, saniatigooralu pinialuttuartut peeqatigiiffiinik, takornariartitsisartunik, suliffeqarfiutilinnillu ataatsimeeqateqarnerit ingerlanneqassapput, taamatullu inuussutissarsiutigalugulu piniartunik ataasiakkaanik apersuisoqassalluni.
Kalaallit nunaanni uumasunik isumalluuteqarneq pillugu suleriaasissamik pilersaarusiorneq Namminersonerullutik Oqartussat ilusilersugaannut atatillugu tunumut apersuiartornerluni angalaneq ingerlanneqassaaq.
Suleriaasissamut pilersaarutip annertunerusumik sammissavai: nannut, aarrit, qilalukkat qaqortat qernertallu, puisit, mitit, appat imeqqutaallullu. Uumasut taakku Pinngortitaleriffimmit immikkut ajornarsiortutut isigineqarput,piujuaannartitsinermik atuinissaq eqqarsaatigalugu uumasut amerlassusiisa ikiliariarsimanerat pillugu.
Nunatta avannaata kitaa Pisortaqarfimmit siusinnerusukkut tikeraarneqarsimavoq, angalanerlu aasarmanna malitseqartinneqassaaq nuna tamakkerlugu apeqqutinik (akineqartussanik ) immersugassanik agguaasineqassalluni.
