Tunumi nikkilisiortut marluulerput

Canadami suliffeqarfiit ilaat, Diamond Fields International – DFI – ullumi nalunaaruteqarpoq, nunarsuarmi nikkelisiorfiit annersaasa ilaannik, Inco-mik, Tasiilap kujammut’kitaani kilometerinik arfinilinnik ungasitsigisumi Ammassallip qeqertaani nikkeleqarneranik misissuinissami peqataanissaminnik isumaqatigiissuteqarsimallutik.

DFI ukiut kingulliit marluk Ammassallip Qeqertaani nikkeleqarneranik misissuisimavoq, sumiiffimmilu annertujaarsuarmi nikkelimik kusanavissunik nassaarsimalluni.

DFI-p Inco-mik suleqateqalernermigut misissuinerup annertusarneqarnissaa anguvaa, Inco misilittagartuujummat aningaasaateqarluarlunilu. Taamaalilluni nikkileqarneranik misissuineq ajornanginnerusumik sukumiinerusumillu ingerlanneqarsinnaalissaaq.

Suliffeqarfissuaq Inco nunarsuatsinni nikkel-isirfinnut annerpaanut ilaavoq.

Inco-p ukiuni tulliuttuni marlussunni 3 millioni dollars- tassa 18 millioni koruunit missaat - atussallugit maannamut neriorsuutigereerpaa, Tunumilu nikkel-eqarluarnissaa suliffeqarfissuit taakku marluk isumalluarfigilluinnarpat, misissunissartillu aasamanna aallartereersinnaassangallugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat