Tunumi kommunit kattuteqatigigerusunngilaat
Sisimiut kommuneata Sermersuaq qarsullugu kommunit kattunnissaat orniginartinngilaa.
Kommunit aaqqissuuteqinnissaannut ataatsimiititaliap siunnersuussutigaa Sisimiut, Maniitsup, Tasiilap Illoqqortoormiullu kommuniisa kattunnissaat.
Sisimiulli kommunalbestyrelsiani ippassaq ataatsimiinneranni pilersaarutit akuersaarnartuutinneqanngillat.
Sisimiuni borgmesteri, Hermann Berthelsen tunngavilersuivoq kommunalbestyrelse isumaqartoq kommunit qanitariittut kattussuuttariaqartut, tulluarnerutippaalu kommunit ullut tamaasa imminnut attaviigiittartut suleqatigiinnerusinnaaasut.
Hermann Berthelsenip ajornakusuussangatippaa siunnersuutigineqartoq nutaaq malissagaanni inuussutissarsiutitigut ineriartortisinnaanissaq, Tunumi pissutsit itinerusumik ilisimasaqarfigineqanngimmata. Kommunillu taakku kattuneqassagaluarpata angalaneq aamma akissunerulissasoq Hermann Berthelsenip oqaatigaa.
Sisimiulli Maniitsullu kommunii kattussinnaanissaat periarfissaanerarpaa, neriuutaavorlu Kangaatsiap Kommunea aamma Sisimiut Kommuneanut kattunneqarsinnaassasoq.
