Tunumi illoqarfiit pilersorneqarneri misissoqquneqarput

Tunumi illoqarfiit marluk Tasiilaq Illoqqortoormiullu pilersorneqarnermikkut allatut ingerlanneqarsinnaanerat Nalakkersuisunit misissorneqarnissaa Nunat Avannarliit Killiit Siunnersuisoqatigiifiannit kaammatuutigineqarpoq.
Allattoq Jaaku Lyberth
aggustip 26-at 2010 06:27

Nunat Avannarliit Killiit ukiumoortumik Tasiilami ataatsimiinermi aalajangersakkat ilaanni tamanna kaammattuutigineqarpoq.

Kaammattuutit aalajangigassanngorlugit siunnersuutigineqarput, Nunat Avannarliit Killiit inatsisartuini saqqumiunneqartussat.

Tunup pilersorneqarnerata allatut aaqqissuunneqarsinnaaneranik periarfissanik misissuinermik aallartitseqqullugit Naalakkersuisut kajumissaarneqarput, tassungalu ilanngullugu pilersuisussaatitaanermut isumaqatigiissut atuuttoq pitsaanerulersinneqarsinnaaneranut sunik aporfissaqartitsinersoq Naalakkersuisunut nalileqquneqarpoq.

Illoqqortoormiut Tasiilallu timmisartumik ummiarsuarmilluunniit pilersorneqarnerat, Islandimit isumagineqarnissaannik Islandimit siunnersuutigineqarpoq,

Tunup Islandillu akornanni umiarsuartigut angalasinnaaneq ukiuni kingullerni annertunerulerpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq