Tunumi attaviit unnuamut kipineqassasut
Tasiilami nunami stationeqarfimmik taarsiinissamut atatillugu Tunumi sumiiffinni arlalinni sisamanngornerup unnuaanut ataatsiniit arferngup tungaanut attaviit kipineqarallassapput.
Taamaammat decembarip tallimaani unnuakkut ataatsip aammalu arferngup akornanni nalinginnaasumik sianertoqarsinnaassanngitsoq.
Kalaallit Nunaanni Politiit Facebookiminni allapput.
Politeeqarfik inoqassaaq
Tasiilami innuttaasut politeeqarfimmut saaffiginninniarunik ornigullutik saaffiginnissaasut, Tasiilamilu politeeqarfik aqqanerniit ullaakkut arfineq marlup tungaanut inoqassasoq.
Kalaallit Nunaanni Politiit Facebookimi allapput.
Isortumi, Kuummiuni, Sermiligaami, Tiilerilaami Kulusummiluunniit najugaqaruit kommunip allaffiani oqarasuaatinik qaammataasiamut attavilik atorlugu saaffiginnissapput.
Kalaallit Nunaanni Politiinut saaffiginninniaruit oqarasuaat qaammataasiamut attavilik atorlugu 70 14 48-mut saaffiginnissinnaavutit.
