Tunumi act!
"ACT! Meeqqanut isiginnaartitsinermik sammisaqartitsineruvoq tuluit oqaasiinik pikkorissarneq siunertaralugu." Tusagassiuutigtigut nalunaarummi allassimavoq.
Tasiilami nunaqarfiinilu meeqqat atuarfiini atuartut aggustip 13-ianiit aggustip naanerata tungaanut isiginnaartitsinermi pinnguaatit atorlugit tuluttut pikkorissartinneqassapput.
Isiginnaartitsisartut Vivi Sørensen aamma Wiebke Acton workshopini sammisaqartitsissapput.
Sila ajornartorsiutaassanngippat workshopit ulluni sumiiffinnilu ukunani ingerlanneqassapput:
Sermiligaaq: Aggustip 13-iani 14-ianilu, atuanngiffeqartunut piumasunut.
Kuummiut: Aggustip 15-iani 16-ianilu.
Tiniteqilaaq: Aggustip 18-iani 19-ianilu.
Isortoq: Aggustip 20-ani 21-anilu.
Tasiilaq: Aggustip 23-ani 24-anilu atuartunut akullernut.
Kulusuk: Aggustip 27-ani 28-anilu atuartunut akullernut anginernullu.
Sammisaqartitsineq Kommuneqarfik Sermersuumit aningaasaliiffigineqarpoq.