Tunumi aatsitassarsiornissaq soqutigilluinnarpaat
Sanaartugassanik suliassinneqartartut pingaaruteqarluinnartut Danmarkimeersut MT Højgaard aamma FLSchmidt & Co., Canadamiut aatsitassarsioqatigiivinik Quadra Miningimik isumaqatigiissuteqarnissartik siunniuppaat, Tunumi molybdænimik piialernissaq siunertaralugu.
Allattoq Mads Lynge
aggustip 10-at 2008 17:08
Sulisitsisut peqatigiiffiat GA nittartakkamini taama allaaserinnippoq.
Umiarsualiviliornissaq pillugu MT Højgaard isumaqatigiissuteqarsinnaassappat aningaasat 4 milliardi koruunit nalinginik suliassinneqarsinnaassapput.
Molybdænimik piiasoqalissappat inuit 500-t 600-llu akornanni sulisorineqassapput. Aqqusinniortoqartussaavoq, 75 kilometeritut isorartutigisumik aqqusinniortoqartussaagami.
Tunumi molybdænimik piiasoqalernissaanut FLSchmidt aamma soqutiginnilluinnarpoq, molybdænimik aserorterummik pilersuisinnaassammat.
Molybdæn sisammut atorneqartarpoq, nunarsuarmilu piumaneqarluinnarlunilu.
Molybdænimik Tunumi ukiuni 20-ni piiaasoqarsinnaanissaa ilimagineqarpoq.
