Tunuarumanngilaq

Aalisarnermut Piniarnermullu Naalakkersuisoq Rasmus Frederiksen oqarpoq, ilassinninnermut atugassaminik qaangiisimanani aammalu kukkunersiuisut naliliisimanngitsut soraarsitaanissaminik, Rasmus Frederiksen taama qulanngitsigaluni Tusagassiutinut ullumi allappoq.

Naalakkersuisut siulittaasuat Hans Enoksen ippassaq radioavisimut oqarpoq Rasmus Fredriksen –ip kingusissorujussuakkut imigassarsisarsimanera, inuttut nammineq atugassamisut nerisitsillunilu imertitsisarsimanera sipaanngivillunilu atuipilussimanera ilungersunartutut isigalugu. Kisianni tunuartissaguniuk inatsisilerituut naliliinerat aalajangiisuussasoq.

- Rasmus Frederiksen killissaminik qaangiisimaguni tunuartariaqarpoq, kisianni inatsisilerituut naliliinerat utaqqeqqaarusuppara, Hans Enoksen oqarpoq.

Aalisarnermut Piniarnermullu Naalakkersuisoq ilumut killissaminik qaangiisimanerluni naliliiumanngilaq.

- Inatsisilerituut naliliinerat utaqqissavara, oqarpoq.

Aningasaqarnermut Nunanullu allanut tunngaasunik Naalakkersuisoq Josef Motzfeldt isumaqarpoq, kukkunersiuisut naliliisimappata Rasmus Frederiksen Jens Napaattuutulli inatsisinik unioqqutitsilluni atuivallaarsimasoq, taava assinganik tunuartariaqartoq. Kisianni inuiaqatigiit isasoortillugit qinersisoqarnissaa akuerisinnaannginnerarpaa. Politikerit inuiaqatigiinnut pingaaruteqartunik ukiaru suliaqartussaaammata, isasoortitsinissarlu eqqarsarnartoqartillugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat