Tunuarneq tunuarnertut paasineqassaaq
Jens B. Frederiksen siunissami aviisimi allaaserinnittartuunaviaranilu politikkikkut pissutsit pillugit oqaaseqartartuunavianngilaq. Marsip 15-iani nuna tamakkerlugu politikkimit tunuaruani politikkikkut sammineqartut oqaaseqarfiginavianngilai.
-Demokraatini ilaasortaaginnassaanga, kisianni politikkikkut pissutsit pillugit qanoq ilinikkulluunniit oqaaseqarfiginavianngilakka. Isumaqarama nammineq qinigaralugu qimassimasaq akuleruffiginngikkaanni pitsaanerussasoq, Jens B. Frederiksen oqarpoq.
Inatsisartunut ilaasortaatitaasut tatigilluinnarnerpai, Anda Uldumilu siulittaasutut kingoraartissamisut piukkunneqartoq, Michael Rosingilu Inatsisartunut ilaasortaaffimminut kingoraartaasoq inuusuttuunerarpai pikkorilluinnartut Demokraatit siunissami ingerlalluaannarnissaannik qulakkeerisussat.
