Tunngaviusumik inatsit Savalimmiuni oqallisigineqalerpoq

Savalimmiuni innuttaasut affaat isumaqarput danskit tunngaviusumik inatsisaat atuutsinneqaannassasoq affaat isumarput Savalimmiut namminerisamik tunngaviusumik inatsiseqalissasoq.

Inatsisit Atortinneqarnerannut Inatsisartuni Ataatsimiititaliaq Savalimmiuni paasisassarsiorluni angalaqqammerpoq, Aleqa Hammond Siumut ima oqarpoq.

- Savalimmiormiut namminerisamik tunngaviusumik inatsiseqarnissartik, taamaaliornermikkut inuiattut immikkuullarissuunertik ersersikkusullugu. Tunngaviusumik inatsiseqalernissaq oqaluuserineqassaaq Danmarkimik naalagaaffeqatigiiginnassagaluarunik imaluunniit naalagaaffeqatigiikkunnaasssaluarunik, Aleqa Hammond oqarpoq.

Savallimmini inatsisartut namminerisamik inatsiseqalerumaarnissaq pillugu siullermeerlutik tallimanngorpat oqallisigissavaat. Nunatsinni inatsisartut inatsisit atortinneqarnerannut ataatsimiititaliap Savalimmiuniinneranni paasisaat malillugu Savalimmiuni innuttaasut affaasa namminerisamik tunngaviusumik inatsisitaarnissaq tapersersunngilaat affaasa tapersersoraat.

Savalimmiormiut inuiaapput arfanniarnermik inuussutissarsiuteqartut, maannakkullu danskit tunngaviusumik inatsisaat atuutsillugu arfanniarsinnaanertik pillugu aalajangiisinaassuseqaratik. Savalimmiuni namminerisamik inatsiseqalernissamik suliniuteqarnermi anguniarneqarpoq, savalimmiormiut arfanniarsinnaassuseqarlutik illersorneqartussat. Savalimmiuni inatsisartut tallimanngorpat ataatsimiinnerminni oqallisereerunik aalajangissavaat, Savalimmiuni innuttaasut namminerisamik inatsit pillugu taasitinneqassanersut.