Assi: Thorkild Jensen/ft.dk

Politikkerit: Tunngaviusumik inatsit sanioqqunneqassanngilaq

Kalaallit Nunaat naalagaaffiup iluaniiginnarluni tunngaviusumik inatsisiliussappat, taanna Danmarkip tunngaviusumik inatsisaanut akerliussanngilaq.

Folketingimi Kalaallit Nunaat pillugu oqaaseqartartut arlallit taama oqarput. Taamaalillutillu Sjúrður Skaalep Danmarkip naalagaaffeqatigiinneq kajuminnartooqqullugu isumaqatigiilluni inatsimmik tunngaviusumik avaqqussisoqarsinaasariaqarneranik isumaqarnera tapersersunngilaat.

- Taanna eqqarsaatissanngitsorluunniit puiguinnarniarliuk, Dansk Folkepartip Kalaallit Nunaannut tunngasunik oqaaseqartartua, Søren Espersen oqarpoq.

AAMMA ATUARUK Spaniami pisoq Naalagaaffeqatigiinnermut ersisaarutaavoq

Aammattaaq Kalaallit Nunaat Danmarkip tunngaviusumik inatsisaata avataanittumik tunngaviusumik inatsisiliornissamik kisaatearuni, naalagaaffeqatigiinneq qimaannassallugu aalajangersinnaagaa erseqqissaatigaa.

- Nammineerlutik qinigassaqarput. Inatsit tunngaviusoq akueralugu Naalagaaffeqatigiinniiginartoqarsinaavoq imaluunnit naalagaaffeqatigiit qimallugit, tamaasa toqqarsinnaanngilaat.

SF-ip Folketingimi Kalaallit Nunaannut tunngasunut oqaaseqartartua aamma taama isummerpoq. Nunarpulli Savalimmiullu naalagaaffeqatigiinnerup iluani suli nammineerorusuppata Danmark ikiortariaqarai, taanna isumaqarpoq.

- Taamaammat isumaqarpunga tunngaviusumik inatsisissatut siunnersuutit Danmarkip tunngaviusumik inatsisaanut akerliunngitsunngorlugit suliarianeqartariaqarput, qallunaat aammalumi kalaallit politikerii taamaalillutik naaggaartariaqartussaajunnarlugit. Tassami kalaallit folketingimutilaasortat tunngaviusumik inatsit atsioqattaaffigaat, tamatuminngalu malinninngitsoorsinnaanngillat, Karsten Hønge oqarpoq.

Danskit naalakkersuisuisa partiivini Kalaallit Nunaannut tunngasunut oqaaseqartartut oqaaseqartinniarnerat iluatsinngilaq. Danmarkilli ministeriunerata, Lars Løkke Rasmussen maajip qaammataani erseqqissaatigaa kalaallit nunami tunngaviusumik inatsimmik Danmarkip tunngaviusumik inatsisaanut unioqutsisumik atuutsitsilersitsigaanni, tamanna naalagaaffeqatigiinnermit aninertut paasineqassasoq.

AAMMA ATUARUK Innuttaasut taasitinneqarnerat Spaniap ataqqisariaqarpaa

Tamaaangali pitinnani naapeqatigiisusissarseereersimanissaq, Karsten Høngep neriuutigaa.
- Inuiaat pingasunnguit kisimiinnerminngaanniit imminnut napatillutik nukittunerusinnaasoraakka, SF-ip Kalaallit Nunaannut tunngasunik oqaaseqartartua oqarpoq.

AAMMA ATUARUK Tunngaviusumik inatsit akisusinnaasoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat