Assi: KNR

Tunngaviusumik inatsisissaq pillugu isumalioqatigiissitap sulinini nangikkaa

Kikkut tunngaviusumik inatsisissaq pillugu isumalioqatigiissitami ilaasortaanersut pillugu nalornineq pissutigalugu isumalioqatigiissitami sulineq qaammatini arlalinni uninngavoq. Sulinerli maanna nanginneqassasoq, siulittaasup oqaatigaa.

Tunngaviusumik Inatsisissaq pillugu Isumalioqatigiissitap sulinini nangeqqissinnaanngorpaa,  Mala Høy Kukop Ane Hansenillu isumalioqatigiissitamit ilaasortaajunnaarnerisa kingorna.

Isumalioqatigiissitap siulittaasuata nuannaarutigaa, Naalakkersuisusut Isumalioqatigiissitap katitigaaneranik nutarterinerat, taamaalilluni isumalioqatigiissitap sulinini nangeqqissinnaaniassammagu.

- Isumalioqatigiissitami sulinitta piaartumik nanginiissaa siunertaralugu ilaasortat sapinngisamik tamatta kiinarsilluta sapaatip akunnerata tulliani, tassa januaarip qiteqqunnerani Nuummi ataatsimiissaagut, Vivian Motzfeldt tusagassiuutinut nalunaarummi taama allappoq.

AAMMA ATUARUK Mala Høy Kúko Ane Hansenilu isumalioqatigiissitamit tunuartinneqartut

Mala Høy Kukop Ane Hansenillu isumalioqatigiissitami ilaasortaaginnassanersut nalornissutigineqarmat, Tunngaviusumik Inatsissaq pillugu Isumalioqatigiissitap sulinini unitsippaa.

Tamatuma kingorna Inuit Ataqatgiit siulittaasuata Sara Olsvigip Namminiilivinnermullu Naalakkersuisup Suka K. Frederiksenip sakkortuumik oqaaseqarlutik isumalioqatigiissitap sulinini nangeqqissagaa kammattuutigaat.

Sara Olsvig aamma Suka K. Frederiksen isumaqarput, Vivian Motzfeldt isumalioqatigiissitap katitigaaneranut akuliuttariaqanngitsoq.

AAMMA ATUARUK Forfatningskommissionen har nedlagt arbejdet på anden måned

 

Isummersuutit





Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat