Assi: Jonas Fievé/KNR

Demokraatit: Tunngaviusumik inatsisissamut isumalioqatigiissitaq quianaannarpoq

Isumalioqatigiissitap kikkut ilaasortaassanerata paatsuunganarnera pissutigalugu suliaqarnini unitsillugu pingasunngormat saqqummiuppaa, Demokraatillu tunngaviusumik inatsisissaq pillugu isumalioqatigiissitaq kanngunariaqqiffissaqannginnerarpaat.

- Tunngaviusumik inatsisissaq pillugu isumalioqatigiititap maannamut ingerlasimanera kanngusuusaarnaannarpoq qularnanngilarlu inuppassuit ileqimisaartuinnartarsimassapput, Demokraatit siulittaasuat, Randi Vestergaard Evaldsen allappoq.

AAMMA ATUARUK Tunngaviusumik inatsisissaq pillugu isumalioqatigiissitap allaffissai 7,4 millionit koruuneqartut

Isumalioqatigiissitap ilaasortat marluk qanoq iliuuseqarfiginissaat nalornissutigilerpai – tassa Mala Høy Kuko Atassummiit Siumut partiianut nuuppoq, Ane Hansenilu (IA) Kommune Qeqertalimmi borgmesterinngornissani pissutigalugu Inatsisartunit sulinngiffeqarnissaminik qinnuteqarpoq.

Randi Vestergaard Evaldsenip isumalioqatigiissitap ajornartorsiutai suliarilluarneqarani naalakkersuisoqatigiinnit pilersinneqarneranik peqquteqarsoraa:

- Maannakkullu erserpoq isumalioqatigiisitat suliartik unitsissimagaat, Naalakkersuisoqatigiit inatsisiliornerlunnerisa kinguneranik IA-p Siumullu nalulermassuk kikkut ilaasortaasinnaatitaanersut, Evaldsen aperivoq.

AAMMA ATUARUK Forfatningskommissionen har nedlagt arbejdet på anden måned

Vestergaard Evaldsenip tunngaviusumik inatsisissaq pillugu isumalioqatigiissitaq kanngusuusaarnarnerarpaa:

- Tamatsinnut politikerinut innuttaasunullu kanngunariaqqiffissaqanngilaq, Evaldsen allappoq.

Evaldsenip Inatsisartut aningaasaqarnermut akileraartarnermullu ataatsimiititaliaata tunngaviusumik inatsisissaq pillugu isumalioqatigiissitap allaffissaanut 7,4 millionit koruuninik aningaasaliinerat aamma akerleraa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat