Tunitsiviliornissamut killissarititaq qaangerneqarpoq
Massakkut periarfissiineq tamanna qaangerneqarmat Naalakkersuisut qanoq iliuuseqarniarnersut Atassut sinnerlugu inatsisartuni ilaasortat Finn Karlsen, Siverth K. Heilmann Knud Kristiansenilu paragraf 36 atorlugu naalakkersuisunut apeqquteqaateqarput.
Tunitsiviliiniartut allat soorlu umiarsuarmik tunitsiviliinikkut periarfissinniarneqarnersut apeqquteqaateqartut paaserusuppaat.
Nuussuarmi aalisartut aasaanerani tunitsiveqarnikkut periarfissaqanngillat, naak upernaakkut aasallu ulluini ukiup sinneranut ileqqaarnissaminnik aalisarnikkut periarfissaqarluaraluartut, inatsisartuni ilaasortat naalakkersuisunut apeqquteqaateqarnerminni tamaatut allapput.
Upernaviup eqqaani tunitsiviliarineqartup piffissaatillugu aasaatillugulu naammassineqarsinnaanera ilimagineqarsinnaanngimmat aalisartut periarfissamik mattuteqqaneqarput, tamatumalu kinguneranik ilaqutariippassuit aningaasarsiornerat inuuniarnerallu ilungersunartorujussuarmik eqqorneqartoq, ukiullu sinneranut annertuumik inuuniarnikkut sunniuteqartussanngortoq, inatsisartuni Atassut sinnerlugu ilaasortat naalakkersuisunut apeqquteqaatertik taamatut tunngavilersorpaat.
