Tunitsivik ikuallalermat issimasut annaanneqarput
Umiarsuaq tunisassiorfiusoq 'Athena' , Savalimmiuni allagartalik, 100-ngajannik inuttaqarpoq, inuttaasullu umiarsuaq qimattariaqarsimavaat Tuluit Nunaata kujammut kippasissortaani, ikuallattoqalernerata kingorna Scillyp kujammut kippasissuani 425 km-nik ungasitsigisumi.
Inuttaasut 99-it, ilaatigut skandinaviamiut, russit, Kinamiut Perumiullu nalunaaqquttap akunneri arlallit annanniutiniittariaqarsimapput umiarsuarmit containerersortumik annaanneqarnissami tungaanut.
Inuttaasut 13-nit 'Athena'-miiginnarsimapput ikuallattoq qatserniarlugu. Ikuallattoq pingasunngornerup unnukkuani aqunneqarsinnaalersimavoq qamivinneqarsimananili.