Tunitsiviit matuppata Pilersuisoq aamma eqqugaassaaq

Arctic Green Foodip pisortaa Tønnes Berthelsen, Kaka, oqarpoq iluanaarniaannassagaanni suannik tunisinerup nalaannaani tunitsiviit ammatinneqarsinnaasut. Neriuutigaali naalakkersuisut innersuussutaattulli aningaasaqarnermut ataatsimiitsitaliap akuersissutigissagaa nunaqarfinni tunitsiviit qaammatini pingasuni ammatiinnarneqarnissaat. Taamaasilluni siunissami periusissanut toqqammavissagissaarnerulluta piareersaateqassagaluarpugut, oqarpoq. Nunaqarfinnimi tunitsiviit matorarneqassagaluarpata nunaqarfinni inuiaqatigiinnilu aningaasaqarniarneq ilungersunarsisussaammat. KNI Pilersuisup siulersuisuanni siulittaasoq Simon Olsen paasiniaavigigatsigu oqarpoq Pilersuisumi massakkut naatsorsuusiuleruttorlutik tunitsiviit matuneqassagaluarpata ingerlataminnut sunniutissaasa annertussusissaat pillugit. Aatsaalli naalakkersuisut aningaasaqarnermullu ataatsimiitsitaliaq saqqummiussaqarpata ersarissumik sunniutissat pillugit oqaaseqarniarluni erseqqissaatigaa.