Tunisinermi akit qaffarataannaapput
Allattoq Jokum Nielsen
juunip 01-at 2006 14:27
Joint Commiteep nunarsuarmi tuniniaaffiit annersaannut tuniniaasinnaanermik ammaassineratigut piniartut tunisinerminni isertitaasa qaffaratarsinnaanerat KNI-p pisortaata ilimagilluinnarpaa.
Imaanngilarli tamanna ingerlatiinnartumik anguneqarsinnaasoq. tassami Arctic Green Foods-imi pisortap, Tønnes Berthelsenip ingerlatiinnartumik tuniniaavissanik nutaanik ujartuinissaq maannangaaq pisariaqarsorinngilaa, tunisassiatimmi tamaasa Kalaallit Nunaannut Danmarkimullu tunisinnaasarpaat.