Kalaallit Nunaanni Naatsorsueqqissaartarfiup 2006-imut naatsorsuusiaani saqqummeqqammersuni tamanna takuneqarsinnaavoq.
Pisortaqarfiit 2006-imi qaffariarnermi sunniuteqangaatsiarput, tassa aningaasaliinernut atuinernullu sunniuteqangaatsiaramik.
Tunisat ataatsimut nalingat 2006-imi 10,5 milliardi koruuniuvoq, tassa innuttaasumut ataatsimut 187.000 koruunit missaat. Ukiumut siulianut naleqqiullugu 10.000 koruuninik annertuneruvoq.
Tunisat ataatsimut nalingat 1979-imili 50 procentimik qaffariarsimavoq. 1979-imiit ukioq 2006 tikillugu tunisat nalingat qaffariaqartarlunilu appariartarsimavoq. Kisianni 2004-miilli qaffariartorluarsimavoq.