Tunisassiornikkut ilinniartitaanikkullu siuarsaasoqartariaqartoq
- Saarulliit 1981-imi avammut nioqqutigineqarnerani 200 milliuunit koruuninik naleqarsimavoq. 2011-imilu pisat 60 %-mik appariarsimagaluartut pisat nalingi 430 milliuunit koruuninngorsimapput, Islandimi aalisakkerivinni ineriartortitsinermi suliaqartoq, Haukur Gestsson oqarpoq.
Taassumattaaq oqaatigaa, Islandi tunisassiornikkut pitsanngorsaanermigut aningaasarsiorluarnerulersimasoq.
Qerisunillu tunisassiorneq 2011-imi allanngortinneqarmat qerisunik tunisassiorneq 23 procentiinnanngorsimavoq, sinnerilu qeritinneqanngitsut timmisartukkut umiarsuakkulluunniit USA-mut Europamullu tunisassiarineqapallattarlutik, Haukur Gestsson oqarpoq.
Islandermiullu iluatsilluatumik tunisassiorluaraluartut Nunatsinni assartuinermi tunisassiorniarnermilu periarfissalunnera aporfiusartoq, oqallinnermi peqataasoq Royal Greenlandimi pisortaq, Jens K. Lynerth oqarpoq
- Assartuinermi periaatsit assigiinngissutigaat islandimiut akulikitsumik timmisartorujussuarnillu assartuutinik tikinneqartarnerat, taamaattumik takorluunngilara uagut timmisartukkut assartugassanik tunisassiornerput annertoorujussuanngorsinnaassasoq, Jens K. Lyberth oqarpoq.
Tunisassiornikkut pitsanngorsaanerit saniatigut aalisarnikkut ilinniartitaanerit siuarsarneqarnissaat pingaaruteqarluinnartut, Haukur Gestssonip aamma oqaatigaa