Tunisassiat aavernit pisut anninneqarsinnaanerannut akuersissut atuutiinnassaaq
Naliliinerup inerneraa Namminersorlutik Oqartussat tunisassiat aavernit pisut Nunatta avataaneersunut niuerutigineqarsinnaanerannik akuersissuteqarsinnaatitaanerat ingerlaqqissinnaasoq. Pinngortitaleriffik noittartakkamini taama allaaserisaqarpoq.
Pinngortitaleriup naliliinera naapertorlugu Nunatsinni aaffanniartarneq piujuartitsinermik tunngaveqarluni ingerlanneqarpoq, inerniliinerlu kingullermik 2009-mi naliliinermit allannguuteqanngilaq. 2008-mili naliliinermi inernerusoq akuersaartuusimanngilaq.
Nunatta pisussaaffigaa NDF-naliliinernik suliaqartassalluni
Ilisimatuussutsikkut tunngavilersugaasumik naliliineq pisortatigoortumik taaneqartarpoq ”Non Detrimental Finding” (NDF-naliliineq) imaluunniit allatut oqaatigineqartarluni piujuartitsinermik tunngaveqartuuneranik nalunaarut. Kalaallit Nunaat nunat tamalaat CITES-isumaqatigiissutaat (the Convention on International Trade in Endangered Species of Wild Fauna and Flora) naapertorlugu pisussaatitaavoq NDF-naliliinernik suliaqartartussaalluni. Isumaqatigiissut taanna naapertorlugu nunarsuarmi tamarmi niuerneq aqqutigalugu uumasut naasullu nujuartat nungutaanissamut ulorianartorsiortinnginneqarnissaat qulakkeerneqartussaavoq.
Pinngortitamut, Avatangiisinut Inatsisinillu Atortitsinermut Naalakkersuisoqarfik taannaavoq Pinngortitaleriffimmut NDF-naliliinernik ingerlaavartumik suliakkiissuteqartartuusoq.
Pinngortitaleriffiup aarrit pillugit NDF-naliliinera uani atuarneqarsinnaavoq.