Ullumi tunillatsittut ilanngullugit coronamik tunillatsinnikut katillutik 301iulerput.Assi: Johannes Bruun Madsen / KNR

Tunillatsittut nutaat 21-upput, misissortittunulli akissutissat anorersuup kingusinaartippai

Nuummi tunillatsittut nutaat 20-upput Ilulissanilu ataasiulluni. Kitaata sineriaani anorersuarnerata Upernavimmi misissortittunut akissutissat kingusinaartippai.

Nuummi tunillatsittut nutaat 20upput Ilulissanilu ataaseq tunillatsissimalluni.

Avannaani coronamik eqqorneqartumi, Upernavimmi, misissugassat timmisartumik Nuummukaanneqanngitsoorput. Upernavimmimi misissugassat Nuummi nakorsaaneqarfimmit misissoqqissaarneqartussaapput.

AAMMA ATUARUK Tunillanneqarsimasutut paasineqartuni 104-ni 81-it Upernavimmiittut: Illoqarfimmi tassani tuniluuttoqartorujussuusoq

Taamaammat Upernavimmi tunillatsissimasut amerlanerulluarsinnaapput, misissuinermilli akissutissat aatsaat Nuummut timmisartunik tikittoqarsinnaaleqqippat misissoqqissaarneqarsinnaalissapput. 

Ulloq kingulleq coronamik tunillatsissimasut ilanngullugit, tunillatsinnikut katillutik 301iulerput.

Upernavimmi suli pingasut napparsimmavimmi uninngapput Nuummilu marluk uninngallutik.

Tunillatsissimasut kommunikkaarlugit agguaqatigiissikkaanni imatut amerlassuseqarput:

  • Avannaata Kommunia: 98
  • Kommune Qeqertalik: 1
  • Qeqqata Kommunia: 11
  • Kommuneqarfik Sermersooq: 191
  • Kommune Kujalleq: 0

Nunatsinni coronavirusi pillugu
killiffik

Tunillatseqqasut 300  
Ullumi tunillatsittut 124  
Siullermik kapitissimasut 71%  
Aappassaa kapitissimasut 66%  
Tunillanneqarsimasut 1456  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Novembarip 29-at 13:15
 

Coronavirusimik tunillatsinissaq pinaveersaaruk