Naalakkersuisut Nakorsaaneqarfillu coronamut killiffik nutaaq pillugu nalunaaqutaq 15.00 katersortitsissapput, tamannalu maana knr.gl-ikkut malinnaaffigisinnaavat.Assi: KNR / Aviaaja Kielsen

Tunillatsittut amerliartuinnavipput – pingasunut tusagassiortunik katersortitsisoqassasoq

Pingaartumik Qeqqata aamma Avannaata Kommuniani tunillatsissimasut amerlanerusut ippassarmit paasineqarput.

Coronamik tunillatsissimasut nutaat 19-it ullup ataatsip ingerlanerani paasineqarput.

Tamanna nun.gl-imi atuarneqarsinnaavoq.

Nunatsinni tunillatsissimasut maanna 63-iupput – nunatsinnilu coronamik siorna marsimi tunillatsissimasoqaqqaarneranit aatsaat taama amerlatigilerput.

KNR-ip nakorsaaneq Henrik L. Hansen tunillatsiissimasut nutaat pillugit oqaaseqartinniaraluarpaa, tamannali iluatsinngilaq.

AAMMA ATUARUK Naalakkersuisut: Meeqqat 12-ileereersimasut maanna akiuussuserneqassapput

Nakorsaaneqarfiup nittartagaa naapertorlugu Qeqqata Kommuniani Avannaata Kommunialu tunillatsissimasut nutaat amerlanerupput.

  • Qeqqata Kommuniani Sisimuni tuniluuttoqarfiusumi tunillatsissimasut ippassaq sisamaapput: Taakku ullumikkut aqqaniliupput.
  • Avannaata Kommuniani Upernavimmi Tasiusamilu aqunneqarsinnaanngitsumik tuniluuttoqarfiusumi ippassaq tunillatsissimasut 19-iupput: Taakku ullumikkut 26-nngorput.

Naalakkersuisut Nakorsaaneqarfillu coronamut killiffik nutaaq pillugu nalunaaqutaq 15.00 katersortitsissapput, tamannalu maana knr.gl-ikkut malinnaaffigisinnaavat.

Upernavimmi Upernaviullu nunaqarfiini tunillatsissimasut nutaat paasineqarneranni misissuinerit amerlasuut Ilulissanut misissugassanngorlugit marlunngornermi nassiunneqartut akissutersineqarnerannik pissuteqarsinnaavoq. Taakku akissutaat ippassaq piareersimanngillat, Nakorsaaneqarfiullu taakku piariinngajalernissaat naatsorsuutigisimavaa.

AAMMA ATUARUK Fire nye corona-smittede i Sisimiut: Smittekilden er ukendt

Sisimiuni ullualunni coronamik tunillatsissimasoqanngereerluni tunillatsissimasut nutaat ippassaq paasineqarput. Sisiamanilli nutaanik tunillatsittoqarsimanera marlunngornermi unnukkut kingusissukkut uppernarsarneqarpoq.

Tunillatsissimasunit marluk ilaqutariipput, ataatsillu alla tunillassimallugu. Tunillatsissimasulli marluk allat oqartussat paasissutissaataat naapertorlugu imminnut qanillisimanngillat.

Taamaammat Sisimiuni ilisimaneqanngitsunit arlalinnik tunillatsissimasoqarnissaa ilimanarluinnartoq, Naalakkersuisut marlunngornermi oqaatigaat.

Sisimiuni misissukkat akissutersineqarnerisa Qeqqata Kommuniani tunillatsissimasutut nalunaarsorneqartut amerleriataarnerannut pissutaalluarsinnaavoq.

Tunillatsissimasunik nalunaarsuinerit arlaleriarluni 0-imiissimavoq - kisitsit taanna juulip aallaqqaataani aamma 0-imiippoq - tunillatsissimasulli tamatuma kingorna amerliartuinnalerput.

AAMMA ATUARUK Coronapas pisiniarfinni piumasaqaataassanngilaq: Malittarisassat unnuap-qeqqanit atuutilertussat aaku

Tuniluunneq Ilulissani, Nuummi Qaqortumilu aallartippoq - tunillatsissimasullu taakku tamarmik nunatsinnut Københavnimiit timmisartorsuarmut juulip ulluisa arfernanni marlunngornermi ilaaqatigiissimallutik.

Taakku coronamik tuniluutianerusumik deltamik tunillatsissimasuupput, tuniluunnerlu sineriammi illoqarfinnut siaruaappoq.

Tamatuma kingunerisaanik killilersuinerit sukannersut tassa inuit amerlanerpaamik 20-oqqusaanerat kikkullu tamarmik tamanit ornigarneqartuni qanermut assiaquteqaqqusaanerat atuutilersinneqarput.

Malittarisassalli taakku nunatsinni sumiiffinni amerlanerpaani arfininngornermi atorunnaarsinneqarput. Taakkununngalu taarsiullugu tamakkiisumik akiuussuserneqarsimanermut uppernarsaat imaluunniit coronamik tunillatsissimannginnermut uppernarsaat sivisunerpaamik akunnernik 48-nik pisoqaassuseqartoq atorlugit neriniartarfimmut, timersortunut, imerniartarfinnut, atuakkanik atorniartarfimmut, filmertarfimmut allanullu aatsaat isertoqarsinnaalerpoq.

Pisiniarfimmut atuarfimmulluunniit iserniaraanni tunillatsissimannginnermut uppernarsaateqarnissaq tamakkiisumilluunniit kapitissimanissaq piumasaqaataanngilaq.

Aasianni, Upernavimmi Upernaviullu nunaqarfiini piffissami matumani aqunneqarsinnaanngitsumik tuniluuttoqarnera pissutigalugu malittarisassat atuutiinnarput.

Isummersuutit

Nunatsinni coronavirusi pillugu
killiffik

Tunillatseqqasut 126  
Ullumi tunillatsittut 35  
Siullermik kapitissimasut 40.955  
Aappassaa kapitissimasut 35.924  
Tunillanneqarsimasut 504  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Septembarip 21-iat 12:00
 

Coronavirusimik tunillatsinissaq pinaveersaaruk