Tunillanneqarsimasutut siumorneqartut 290-it qaammatip siuliata ingerlanerani aatsaat taama ikitsigipput. Kingullermik taama ikitsigimmata tamanna septembarip ulluisa qulingiluaanni pivoq.Assi: Governor Tom Wolf/flickr

Tunillanneqarsimasut qaammatip siuliata ingerlanerani aatsaat taama ikitsigisut

Coronavirusimik Danmarkimi tunillanneqarsimasut kigaatsumik ikiliartorput, taakkunanngalu napparsimmavimmi unitsinneqartartut aamma ikiliartorlutik.

Danmarkimi coronavirusimik tunillanneqarsimasutut siumorneqartut ullup unnuallu kingulliit ingerlaneranni 290-iupput.

Naalagaaffiup nappaatinut akiuussutissaliorfia, Statens Serum Institut, taama ilisimatitsivoq.

Tunillanneqarsimasutut siumorneqartut 290-it qaammatip siuliata ingerlanerani aatsaat taama ikitsigipput. Kingullermik taama ikitsigimmata tamanna septembarip ulluisa qulingiluaanni pivoq.

AAMMA ATUARUK Danmarkimi qaammatip ataatsip missaata ingerlanerani aatsaat taama tunillatsittukitsigisoq

Tamanna nuannaarutissaasoq, Københavnip Universitetiani professori Allan Randrup Thomsen oqarpoq.

- Kisitsisit qimerlualaaraanni takuneqarsinnaavoq tunillanneqarsimasut kigaatsumik ikiliartortut. Malunnaatilimmiinngitsoq, kisianni ikiliartorput, professori oqarpoq.

Danmarkimi peqqinnissaqarfik artukkerneqanngitsoq, Allan Randrup Thomsen oqarpoq.

- Inuit napparsimmavimmi unitsinneqartartut angerlartinneqartullu amerlaqatigiingajapput, taanna oqarpoq.

Inuusunnerit ataatsimullu isigalugu peqqinnerusut tunillanneqarnerusarunartut katsorsaasarnerlu aamma pitsaanerulersimasoq, Allan Randrup Thomsen isumaqarpoq.

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat