Tuni 4,5 millionit koruunilerlugu tunineqartoq
Japanimi suliffeqarfiup neriniartarfiutilissuup aalisagarsuaq tuni 74,2 millionit yennilerlugu - 4,5 millionit koruunilerlugu - pisiaraa. Nutaarsiassaqartitsivik dpa taama allaaserisaqarpoq.
Tuni Japanimi illoqarfiit pingaarnersaanni aalisakkanik akitsorterivissuarmi tusaamasami Tsukijimi ukioq manna akitsorterussinerit siullersaanni pisiarineqarpoq.
- Akisulaarpoq, tunilli kusanartorsuup pisiarinera nuannaarutigeqaara. Neriniartarfiutitsinni qanittukkut ussiititsisinnaassalluta neriuutigaara, neriniartarfimmi pisortaq Kiyoshi Kimura taama oqarpoq.
Kimura ukiortaami akitsorterussinermi tunimik tungujortunik avaleralimmik akitsorterusseqqaarnermi ukiut arfinilissaannik pisisuuvoq.
Aatsaalli taama akiliisoqartiginngilaq, 2013-imimi aalisagarsuaq tuni ataaseq 155,4 yennilerlugu - 9,4 millionit koruunilerlugu - pisiarineqarpoq.
/ritzau/