Tuni Japanimi sapaatiummat tunineqartoq 276 kiilumik oqimaassuseqarpoq.Assi: Kyodo Kyodo/Reuters/Ritzau Scanpix

Tungujuaartorsuaq Japanimi 12 millionit koruunilerlugu tunineqartoq

Japanimi tuni 276 kiilumik oqimaassuseqartoq sapaatiummat akitsorterussinermi tunineqarpoq. Taanna Japanimi akisunerpaat tulliattut akigineqarpoq.

Tungujuaartorsuaq 193,2 millionit yenilerlugu – tassa 12 millionit koruunilerlugu Japanimi Tokyomi akitsorterussinermi tunineqarpoq.

Japanimi tunit akitsorterunneqartarnerannik, 1999-imi nalunaarsuisoqartalerneranit taanna akisunerpaap tullerileraa, nutaarsiassaqartitsivik dpa allaaseraa.

Tuni 276 kiilumik oqimaassuseqarpoq, taannalu suliffeqarfimmit susheerniarfinnik Sushi Zanmai-imik ateqartunik ingerlatsisumit, Kiyomuramit pisiarineqarluni.

Tuni kiilumut 700.000 yeneqarpoq – tassa 43.500 koruunit.

AAMMA ATUARUK Tun-imik aatsaat taama akisutigisumik tunisisoqartoq

- Akisuvoq. Kisianni pisisartutta pitsaanerpaamik tunimik misiliinissaat kissaatigaara, Kiyomurami pisortaq, Kiyoshi Kimura tusagassiortunut oqarpoq.

Tuni Japanimi qeqertap Honshup avannarpasissuata isuani Omami aalisarfiit pitsaanerpaat ilaanni pisarineqarpoq.

Tuni Japanimi tunineqarsimasut akisunerpaap tassa tunip 278 kiilumik oqimaatsigisup 333,6 millionit yenilerlugu tassalu 20,8 millionit koruunit missaannik akilerlugu Kimurap siorna pisiarisaata tullererilerpaa.

Japanimiut tungujuaartorsuarnik nerisaqarnerpaat ilagaat, Japanimilu tuninik aalisapiluttoqartarnera nunat tamalaat akornanni piffissami sivisuumi isornartorsiorneqarsimavoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat