Ukiut 1000-it matuma siornagut inuit nunatta avannaarsuani massakkut Qaanaap avannaani Etahp nalaani nunaqarsimasut - Dorset kulturi kingullertut ateqartinneqartut - illorsuarisimasaannik Nunatta Katersugaasiavianeersut nassaarput. Dorset kulturimi kingullermi illorsuaasimasoq maannamut nassaarineqarsimasuni takinerpaaq nassaarineqartoq, Nunatta Katersugaasiviani katersugaasivilersisoq Qaanaallu avannaani, Inglefieldlandimi aasaq assaaqataalluni illorujussuusimasumik nassaartoq, itsarnisarsiooq Hans Lange ima oqarpoq:
-Nunaqarfiusimasup Etahp eqqaani aasaq assaavugut, Thulekulturiminngaannnersunik assaalluta. Taassuma saniatigut nassaaraarput tunersuit illorsuat 41 ½ meteriusoq.
Hans Langep sineriak sinerlugu pisummik misissuitilluni illorujussuusimasoq takulersimavaa, assilisimallugulumi.
Illorujussuit sumorpiaq atorneqartarsimanersut iluamik ilisimaneqanngilaq, misissuilluarnerilli tamanna paasinarsitikkumaarpaat.
Tunersuit illorsui nassaarineqartartut ikittuinnaapput, assaaffigineqarnissaallu mianernartutut isigineqarluni.
Dorset kulturip nalaani inuusut ukiuni 700-miit 1300-p missaanut Qaanaap avannaatungaani inuusarsimapput.
Nassarineqartup illorujussuusimasup qanoq pineqarnissaa suli aalajangiiffigineqanngilaq, misissoqqissaarnissamut aningaasassaqanngikkallartoqarmat.