Tumit Production ukiup filmitsialaliortuatut nersornaaserneqarpoq
Borgmester Asii Chemnitz Narup filmitsialaliortumut tunissuteqartuuvoq, tamannalu sioqqllugu ima oqaaseqarluni:
– Nersornaat tunniussassara ateqarpoq Innersuaq. Nersornaat qiperuisartup Kujuup, Peter Kristiansenip, qiperugaraa.
Kujuup qiperukkani atsersimavaa Innersuaq. Sissami najugaqartut oqaluttuatoqqanit ilisimasavut, Innersuit, tassani pineqarput. Innersuit assigiinngitsunik piginnaasaqarput, aarnuaasinnaapput ajortisaarisinnaallutillu. Ilaat qingaqarput, ilaallu qingaratik. Innersuit qajavissuupput, inoqatiminnik ikiuisartut aammalu ersisaarisartut. Tamanna filminut aamma atuulluarsinnaavoq, taamaammat nersornaat »Innersuarmik« ateqarpoq.
Nersornaat, ilaasortamut Nunatsinni filmiliornerup iluani takutitsilluarsimasumut tunniunneqartarpoq.