Tuluttut oqalukkusunnerusut

Nunavummiut inuusuttaat tuluttut oqalukkusunnerusut misissuinerit kingulliit takutippaat.

Nunavut 1999-imi namminersornerulerpoq, naallu allagartalersuinermi Inuktitut atorneqarnerulersimagaluartoq, meeqqat inuusuttullu akornanni oqaatsit atugaajunnaaraluttuinnarput, Oqaasilerituut marluk misissuisimasut, Louis Jacques Dorais aamma Susan Sammons taama allapput.

Iqalunni 30-t inorlugit ukiulinni tuluttuinnaq oqaasillit amerlanerussuteqalersimapput.

Sumi najugaqarneq apeqqutaatillugu Inuktitut atugaanera allanngorarpoq.

Misissuisut Dorais aamma Sammons oqarput illoqarfeeqqani Inuktitut atugaanerusoq, allanngoriartorlunili, tuluttut atugaaneruleriartorluni.

Misissuisimasut oqaatigaattaaq inuit Iqalunni najugallit Inuktitut pingaartittorujussuugaat, attaveqaqatigiinnerli sapernannginnerusoq ujartortaritsik, tuluttullu oqaatsit sapernanngitsinnerusarlugit.

Dorais aamma Sammons oqarput tuluttut Inuktitullu oqaasiinik akoorineq aamma atuuttorujussuusoq.