Tuluttut ilinniarneq tamanut akeqanngitsoq

Ukioq nutaaq aallarnerfigalugu tuluttut ilinniartinneqarneq akeqanngitsoq, Nuummi Niuernermik Ilinniarfimmi atuartitsissutigineqartalissaaq.
Allattoq Apollo Jeremiassen
novembarip 26-at 2012 06:42

Tamannalu aningaasalersorneqassaaq, Danmarkimi USA-p aallartitaqarfianit, taakku USA-p Kalaallillu Nunaata suleqatigiinnermut isumaqatigiissuteqarput taasaamik, Joint Commitee-mik.

2013 aallartippat tuluttut ilinniarsinnaaneq arfineq marlunnik immikkoortoqassaaq, katillugillu nalunaaquttap akunnerini 20-ini sivisussuseqassalluni. Tuluit oqaasiinik piginnaasaqarneq apeqqutaalluni, assigiinngitsunik qiningassaqarpoq.

Tuluttut ilinniarneq amma nittartagaq aqqutigalugu ingerlanneqarsinnaassaaq, taamaalilluni Nunatsinni sumiikkaluaraanniluunniit ilinniartoqarsinnaalluni.

Tuluttut oqaloqatigiinneq naliginnaasoq aamma suliffeqarfik aqqutigalugu tuluttut oqalussinnaanermik pisariaqartitsineq atuagarsornermi ilinniarneqarsinnaapput.

Ilinniartussat siulliit marsimi aallartissapput, peqataanissamullu nalunaartut naammalerpata qinnuteqarsinnaaneq aatsaat taamaatinneqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq