Assi: Qeqqata Kommunia

Qeqqata Kommunia Tuluttut atuartitsineq iluatsilluartoq

Qarasaasiat atorlugit ungasianit tuluttut atuartitsisarneq, tuluttut taaguuteqartinneqartoq The Granny Cloud aanaat tuluttut atuartitsinerat Qeqqata Kommuniani atuarfinni iluatsilluarpoq.

Tuluttut ungasianit atuartitsisarneq taaguuteqartinneqartoq The Granny Cloud, qarasaasiakkut isigiitigaluni tuluttut oqaluttumik ilinniartitsisumik nunarsuarmi sumiikkaluartumi nammineq piumassutsiminnik atuartitsisoqarluni tuluttut atuartitsisoqartarpoq.

Qeqqata Kommuniani tuluttut atuartitsisarneq 1 klassimit aallartittarpoq, tuluttulli iliniartitsisunik amigaateqartoqartarmat atuartitseriaaseq The Granny Cloud atuartitsinermi atorneqalerpoq.

AAMMA ATUARUK Tuluit oqaasii nunatsinni takornartat oqaasiini salliutinneqassapput

The Granny Cloud Atammimmi aallartinneqarpoq, maannalu Qeqqata Kommuniani nunaqarfinnut arlalinnut siaruarneqarnikuuvoq. Iluaqutigineqalereerporlu.

Napasumimi alloriarfinnut misilitsinnerit 2018-imi Qeqqata Kommuniani qaffasinnerpaasut Qeqqata Kommunia tusagassiorfinnut nalunaaruteqarluni taama allappoq.

Atuartitseriaaseq The Granny Cloud Sarfannguani tallimanngormat aallartinneqarpoq, tassani 4. klassimit qummut atuartut aqqanillit, Canadamit USA-milluunniit ilinniartitsisoqarlutik akunnerup affaani tuluttut oqalupput.

- Maani atuartut aamma iluaqutigiumaaraat neriuutigaarput, maannakkummi tuluttut oqalunnerusoqalerpoq, Sarfannguani atuarfiup pisortaa Anna Lise Kreutzmann oqarpoq. 

AAMMA ATUARUK Qallunaat oqaasiisa tuluit oqaasiinik taarserneqarnissaannut siunnersuut eqqumiigineqarpoq

The Granny Cloud suliniaqatigiiffiuvoq tuluttut atuartitsisartunit nammineq piumassutsiminnit suleqataaffigineqarpoq,  taakkua meeqqanik tuluttut killilimmik atuartinneqartartunik atuartitsisarput, Indiamiillu aqunneqarpoq ataqatigiissarneqarlunilu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat