Assi: KNR

Partii Naleraq: Tulukkat naajallu eqqissisimatitaajunnaarallarlik

Inatsisartut ullumi ataasinngornermi ataatsiminneranni ulloq ataatsimiffiusut 15-anni ataatsimiinneranni oqaluuserisassaat tallimaapput.

Partii Naleqqami ilaasortap Anthon Frederiksenip siunersuutigaa teriannissat, tulukkat naajallu ukiuni tallimani misiligutaasumik eqqissisimatinneqannginnissaat. Ukiut tallimat qaangiuppata misiliineq naammassippat, kingunerisaasa sunniutai pillugit nalilersuiffigineqarnissaa ilaatigut eqqissisimatitsinerup atorunnaavissinnaanera pillugu nalilersuisoqarnissamik Anthon Frederiksen taama siunnersuuteqarpoq. 

Mimi Karlsen Inuit Ataqatigiinnersup missisuiffigineqaqquaa,  ilinniagaqartut 16-it 25-illu akornanni ukioqartut  taakkualu kalaallisut oqaaseqartut  meeqqat atuarfiannit anillutik ilinnikkamik ingerlatsisinnaanerat anguniarlugu, ilinniarfiit sorliit aningaasarsiorfiunngitsumik isersinnaanersut  misissuiffigineqarnissaannik siunnersuuteqarpoq. 

Nivi Olsenip  Demokraatineersup, angajoqqaanngortussanut suliniutip MANU-p inertorteqqinneratigut isiginneqarsinnaasumik nuna tamakkerlugu   angajoqqaanut atuarfimmik pilersitseqqullugit Naalakkersuisut peqquneqarnissaannik siunnersuut oqaluuserineqassaaq. 

Nivi  Olsenip aamma siunnersuutigaa,   nuna tamakkerlugu ilinniagaqartut telefonikkut saaffigisinnaasaannik  unnukkut ammasartumik pilersitsisoqarnissammik siunnersuuteqarpoq,   ilinniagaqartut kinaassutsiminnik isertuussillutik  ilinniarnernikkut aningaasatigut inuttulluunniit  ajornartorsiuteqartut  siunnersorneqarfigisinnaasaannik ikorfartorfigisinnaasaannillu saaffissaqalissammata. 

Inatsisartut ullumi ataasinngornermi ataatsimiineranni oqaluuserissaat kingulleq tassaavoq,  Naalakkersuisut suleqatigiissitamik pilersitsinissaannik siunnersuut,  Anders Olsenip Siumumeersup siunnersuutaa,  tassani Nunatta inuiattut timersornikkut unammersusartarfissaanik misissuissanik Naalakkersuisut peqqarnissaannik siunnersuutaa oqaluuserineqassaaq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat